موضوع: العدد الاول من المجله الرمضانيه الثلاثاء سبتمبر 02, 2008 10:00 am
العدد الاول من المجله الرمضانيه
اولا كده احنا عايزيين نتغير بجد .. ونوي نيه صادقة من قلبنا من بداية اول يوم واول ليلة من ليالي رمضان باذن الله ... نفتح صفحة جديدة في حياتنا بدايتها خير وايمان
هل انت مستعد روحانيا لرمضان ؟؟
طيب عايز تحقق ايه في رمضان ؟؟
ناوي تغير ايه في حياتك ؟؟
عايزتعمل ايه من اول لحظة من رمضان ؟؟
هل انت سألت نفسك الاسئلة دي ؟؟ وجاوبت عليها ؟؟
طيب تيجوا نجاوب عليها ونستعد لرمضان ونفتح صفحة جديدة في حياتنا ونمسح بيها كل ذنوبنا اللي عملناها في السنة ... ونستغل الشهر ده بجد ومنسبهووش يضيع مننا زي كل سنة؟؟
التوبيك ده هيستمر معانا طول شهر رمضان باذن الله وان شاءالله يسمتر على طول وكل يوم في رمضان هنعمل العدد الثاني من المجله الرمضانيه العدد الثالث وهكذا
هنعمل ايام نتبرع فيها .. وهنحط ادعيةرمضانية .. هنستغل كل لحظة في رمضاان ونقسم فيها يومنا
للدين وبس .. عشان نحوش كل الذنوب بتاعت السنة اللي علينا
هننزل مبطلات الصيام هنا وكل حاجة متعلقة برمضان والدين والقران هنا ان شاء الله
هنساعد بعض اننا نتغير ونشجع بعض
ودي بداية للفكرة ويا رب نكون عند حسن ظنكوا بينا
وتشتركوا معانا في التوبيك ده ونقدر نحقق حاجة الشهر ده ونكمل عليها طول السنة ان شاء الله والنهارده هنتكلم عن ازاي نقدر نختم القران في رمضان
انا جبتلكوا انهردة بقى طريقة علشان نعرف ننهى القران فى رمضان ان شاء الله
دلوقتى المصحف 600 صفحه او 602 ..صح(لو مش مصدقنى روح بص فى المصحف بسرعه وتعالى}هاه.. طلع كام ..أوكي ... على 30 يوم بكام يا ريس..؟؟...يا عم متعقدهاش الحسبه أبسط من كده600 / 30 = 20 صفحة..شفتوا سهله إزاي...طيب يعنى فى اليوم 20 صفحه وإحنا عندنا 5 صلوات فى اليوميبقى 20 / 5 مظبوط أيوه كد4 صفحةتيبقى إنت لو قريت 4 صفحات بعد كل صلاه يبقى فى اليوم هتخلص 20 صفحه يعنى فى الشهر هتخلص القرآن مستريح أوى عايز نصيحتى خليهم 30 فى اليوم علشان لو جيت إنشغلت في يوم من الأيام يتعوض فى يوم تانى
ويارب بقى تعجبكوا ونمشى عليها كلنا انتظروني في الاعداد الجايه وان شاء الله العدد الثاني هيكون عدد طلقه
ورمضان كريم ...
وكل سنة وانتوا طيبيين وبالف خير وصحة وسلامة يا رب ان شاء الله واعاده الله علينا وعليكم باليمن والخير والبركاااااااااااااات
الرئيسية 
أحدث الصور 
التسجيل 
دخول 
