موضوع: مين هيبقى البطل فينا في رمضان؟؟؟ اكيد انت مش كده الثلاثاء سبتمبر 02, 2008 9:56 am
كل سنه وانتم الى الله اقرب وكل سنه وانتم للطاعات ادوم
وكل سنه وانتم من المعاصى ابعد كل سنه وانتم طيبون
فلنبدأ وعايزاكو تركزو معايا اووووووى ...اوك
كل سنه بتدخل رمضان بقلب جامد وتقول هعمل واسوى . وكل سنه بتيجى بعد اول اسبوع وتبدء همتك تنزل واحده... واحده ... واحده
وانت شايفها ومش قادر تعمل حاجه وكل سنه تقول السنه دى غير كل سنه انا السنه دى هكسر الدنيا
و....... ايه رايك بقه ان انت السنه ديه هتكسر الدنيا بجد وهتعمل اللى مكنتش قادر تعمله كل سنه
كل سنه بتقول هاختم القرأن وتقف عند جزء معين منه وتنشغل
وتتأخر بره وتخرج مع اصحابك والمحصله انك مبتختمش القرأن الا على الحركرك واللى بيشد حيله اوى يدوب بيختمه مره واحده
السنه ديه بقه لازم نختم القرأن كله ان شاء الله
بصوا الموضوع بسيط جدا اد ايه
شوف ازاى
المصحف 600 صفحه ..صح (لو مش مصدقنى روح بص فى المصحف بسرعه وتعالى)
ها!! طلع كام؟؟ ..اوك ...
تعالى نكمل بقه
المصحف 600 صفحه على 30 يوم بكام
الحسبه اهي 600 / 30 = 20 صفحة شفت سهله ازاى طيب يعنى فى اليوم 20 صفحه واحنا عندنا 5 صلوات فى اليوم يبقى 20 / 5 مظبوط ايوه كده 4 صفحات يبقى انت لو قريت 4 صفحات بعد كل صلاه يبقى فى اليوم هتخلص 20 صفحه
يعنى فى الشهر هتخلص القرأن مستريح اوى
عايز نصيحتى خليهم 30 فى اليوم علشان لو جيت انشغلت فى يوم من الايام يتعوض فى يوم تانى
طيب الثواب اللي هاتخدوا اد ايه ؟؟
احسب كده معايا
المصحف 30 جزء ,الجزء تقريبا فيه 7000 حرف والحرف ب10 وعلشان رمضان هنضرب في 70
يبقى كام ؟؟ 30*7000*10*70 = 147000000
147 مليون حسنة .. يبقى لازم تقرا بقى متستهترش بكلامى
واقولكوا على طريقة تانية
وانتو قاعدين على النت اسمعوا القران من على الجهاز او من موقع اسمعه مباشر يعنى منك برده بتسمع ومنك على النت
اتمنى نكسب ثواب رمضان الجاي دا كلنا مع بعض اووووووووك ؟؟؟؟
تمنياتي لكم بالسعاده والراحة الدائمة يا احلى اعضاء في احلى منتدى في الدنيا كلها
الرئيسية 
أحدث الصور 
التسجيل 
دخول 
